Queres aprender Lingua de Signos Española? Xa podes matricularte nos cursos que impartiremos a partir de setembro en diferentes niveis e modalidades: presencial e en liña!

 

En modalidade en liña ofreceremos os seguintes cursos:

- Nivel A1.2, de 30 horas

- Nivel A1-A2, de 150 horas

- Nivel B1.1, de 60 horas

 

Todos os cursos en liña impartirémolos a través da plataforma Signocampus dispoñible as 24 horas, sen horarios.

 

En canto á modalidade presencial, ofreceremos cursos de Nivel A1 nas 7 cidades de Galicia, tanto en horario de mañá como de tarde.

 

Ademais, como novidade este ano, volveremos impartir o curso de Nivel B1.1 en modalidade presencial, polo momento nas cidades da Coruña e Vigo. Desta forma, as persoas que xa teñen o nivel A2 e queiran continuar a súa formación, terán opción de facelo tanto de forma en liña como presencial.

 

Todas as clases presenciais terán unha duración de 2 horas e media, con dúas sesións por semana. Xunto a esta noticia atoparedes as follas informativas con todos os detalles: prezos, lugares de impartición, horarios, calendario lectivo, etc., e tamén as ligazóns para a inscrición, que poderedes facer en liña.

 

Lembrade que os cursos iniciais, para os que non é necesario contar con coñecementos previos, son o A1-A2 en liña e o A1 presencial. Para o resto de cursos é necesario completar o nivel anterior.

 

Adiantámosvos tamén que a finais de ano publicaremos a oferta formativa xa para 2027, na que incluiremos os seguintes niveis de formación (A2 e B1.2) para que poidades manter a continuidade na aprendizaxe.

 

Todos os nosos cursos están adaptados ao Marco Común Europeo de Referencia para as Linguas e contan con profesorado Especialista en LSE, nativos/as signantes. Están dirixidos a persoas maiores de 16 anos interesadas na aprendizaxe da Lingua de Signos Española como segunda lingua, un idioma máis.

 

O prazo de matrícula para todos os cursos finaliza nos primeiros días de setembro, e en todo caso, ata esgotar o límite de prazas dispoñibles. Na folla informativa de cada curso podedes ver os detalles e prazo para cada un.

 

Para máis información, podedes contactarnos no email lsecursos@faxpg.es Animádevos a aprender Lingua de Signos!

 

CURSOS ONLINE

 

CURSOS PRESENCIALES

(Nivel A1 de 60 horas)

Inscripciones horario de MAÑANA

Inscripciones horario de TARDE