O noso Servizo de Voluntariado organizou a pasada fin de semana o seu XXII Encontro de Voluntariado, Persoas Xordocegas e Persoas Xordas en risco de exclusión social.

Nesta ocasión celebrouse en Pontevedra. Participaron máis de 40 persoas entre voluntarias e beneficiarias, que puideron desfrutar de actividades lúdicas como un percorrido en bicicleta pola cidade de Vigo, ou unha visita a un parque multiaventura en Sanxenxo.

O encontro contou co apoio da Xunta de Galicia, a través da Consellería de Cultura, Lingua e Xuventude e tamén coa colaboración de Discamino e a Asociación Alento.

Como sempre, queremos agradecer aos nosos voluntarios e voluntarias o seu esforzo, facendo posible a realización destes encontros que permiten ás persoas xordocegas e persoas xordas en risco de exclusión social desfrutar de actividades grupais accesibles.

Grazas a todos/as pola vosa participación!

A continuación podedes ver algunhas imaxes do encontro.