Un ano máis, as nosas nenas e nenos xordos puideron comezar o verán desfrutando de actividades de lecer gratuítas organizadas pola nosa área de Educación. A través de xogos, propostas educativas en LSE e excursións, puideron compartir xuntos/as xogos e novas experiencias.

As actividades desenvolvéronse tanto na Coruña como en Vigo, cunha excursión final a Padrón na que se xuntaron os nenos e nenas de toda Galicia.

En total, foron 29 nenos/as con discapacidade auditiva de entre 4 e 17 anos os que participaron nestas actividades que teñen como obxectivo favorecer a interacción entre iguais para impulsar o seu desenvolvemento social e emocional, fomentando ademais a súa autoestima.

Mostrámosvos algunhas imaxes das actividades.