Un ano máis, renovamos a colaboración coa Dirección Xeral de Familia, Infancia e Dinamización Demográfica da Xunta de Galicia.

Esta colaboración contribúe ao financiamento do servizo de logopedia que ofrecemos na nosa Sede Central da Coruña e a Axencia FAXPG de Vigo, está dirixido a menores xordos/as, xordocegos/as e con discapacidade auditiva e ten como obxectivo favorecer o desenvolvemento da comunicación a través dunha avaliación e intervención personalizada dependendo das características de cada menor, cun enfoque bilingüe en Lingua de Signos Española e lingua oral. 

Ademais, no marco deste acordo, tamén desenvolveremos actividades de formación de LSE a centros educativos, menores xordos e as súas familias nas provincias de Lugo e Ourense.

Podedes atopar máis información sobre o servizo na nosa web.