O sábado 25 de outubro organizaremos un Foro de Cultura Xorda dirixido a persoas xordas socias do noso movemento asociativo afeccionadas e interesadas na cultura xorda. Neste foro debateremos e compartiremos ideas ao redor de dous puntos principais:

1. Organizar o IX Festival de Cultura Xorda, que se celebrará o próximo ano 2026.

2. Analizar as necesidades para fortalecer a cultura xorda. Por exemplo: formacións, teatro, actividades culturais etc.

O foro realizarase a través da plataforma Zoom, de maneira en liña, e será o sábado 25 de 11:00 h a 13:00 h, aproximadamente. Para inscribirvos, debedes contactar coa vosa asociación, que vos enviará a ligazón á reunión de Zoom.

Será un espazo aberto para debater, propoñer e construír xuntos/as. Animádevos a participar!