Un ano máis, contamos coa colaboración da Deputación de Pontevedra para o desenvolvemento do noso proxecto de mediación comunicativa para as persoas xordas e xordocegas en situación de especial vulnerabilidade social da provincia de Pontevedra.

A Deputación contribuirá no financiamento do noso Servizo de Mediación Comunicativa a través do proxecto “Mediación para a comunicación e ou fomento dá autonomía persoal de persoas xordas en situación de especial vulnerabilidade social”, a través do cal se realizarán tanto atencións individuais, como mediación lingüística, adaptación da contorna e actividades de sensibilización.

Agradecemos o apoio da Deputación para o sostemento deste servizo imprescindible para evitar a exclusión social das persoas xordas que enfrontan situacións de especial vulnerabilidade.

Lembrade que tedes máis información sobre todos os servizos gratuítos ofrecidos polo noso SAPS na sección Programas e Servizos da nosa web.