Este 30 de setembro chega ao seu fin a segunda edición do Programa de Formación en Actividades Básicas de Loxística de almacén e competencias laborais que desenvolvemos desde o noso Servizo de Emprego durante os últimos meses na cidade de Vigo.

No proxecto participaron 10 persoas e #impartir un total de 290 horas de formación: 178 teóricas e 112 prácticas.

Na primeira fase do proxecto, a formación teórica foi moi completa, incluíndo a especialidade formativa COML20 Actividades Básicas de Loxística de Almacén de 125 horas de duración, complementada con 53 horas de formación transversal dirixida a fomentar a motivación e adquisición de competencias sociolaborais, así como a formación de sustentabilidade, competencias dixitais e en igualdade de xénero.

Na segunda fase, realizouse a formación no posto de traballo en empresas como Carrefour, Alcampo, Gadis, Eroski, Bacallaus Outón e Sprinter, ás que agradecemos a súa colaboración.

As competencias adquiridas mellorarán as posibilidades de inserción laboral das persoas xordas participantes, logrando algunha delas xa a inserción laboral durante o desenvolvemento do programa formativo.

Este proxecto foi posible grazas ao financiamento da Fundación Once a través das axudas económicas para operacións dirixidas ao reforzo da empregabilidade para persoas con discapacidade “Un a Un” 2025-2026 e ao cofinanciamento da Unión Europea.