Gustaríache seguir aprendendo Lingua de Signos Española? Anunciamos a próxima convocatoria de cursos de continuidade para os diferentes niveis de LSE que impartimos.

Os cursos para os que abrimos matrícula son: Nivel A2 en modalidade presencial e Nivel B1.2 en modalidade en liña.

Se xa cursastes os niveis anteriores e interésavos continuar coa vosa formación, explicámosvos os detalles de cada un:

O curso de Nivel A2, de 90 horas lectivas, impartirase nas diferentes cidades de Galicia. Ofertaremos horarios de mañá e tarde, e será necesario que se cubran un número mínimo de prazas para poder formar os grupos.

O curso de Nivel B1.2, de 60 horas lectivas, realizarase en modalidade en liña a través da plataforma de formación Signocampus dispoñible as 24 horas.

Podedes consultar todos os detalles e prezos de cada curso nas follas informativas que atoparedes xunto á noticia.

A inscrición pode facerse en liña a través dos formularios dispoñibles na nosa web antes do prazo que se indica para cada curso ou ata cubrir o número de prazas dispoñibles.

Lembrade que para acceder ao curso de Nivel A2 é imprescindible completar o A1 e para o Nivel B1.2 requírese o B1.1.

Se tedes calquera dúbida ou necesitades máis información, podedes contactarnos no email lsecursos@faxpg.es

Animádevos a seguir aprendendo LSE!