Desde la FAXPG temos unha noticia moi importante que nos enche de orgullo. E é que tras varios procesos de auditoría interna e externa que desenvolvemos durante os últimos meses, obtivemos a certificación de calidade ISO 9001:2015 para a nosa entidade.

Este logro supón un importante fito para a FAXPG, xa que certifica que todos os nosos procesos, servizos e áreas de actividade cumpren cos esixentes estándares de calidade establecidos por esta norma internacional. Así mesmo, reflicte o noso compromiso coa mellora continua, a transparencia, a eficiencia e a satisfacción das persoas usuarias, as nosas asociacións afiliadas e os nosos grupos de interese.

A obtención da certificación ISO 9001:2015 é o resultado dun esforzo conxunto por parte de todas as persoas que formamos a FAXPG. Un camiño emprendido hai case dúas décadas, durante las cales, integramos nos nosos servizos un traballo baixo o enfoque da mellora continua, que guía a nosa actividade diaria.

Celebramos por tanto, este recoñecemento que nos motiva a seguir traballando por e para as persoas xordas de Galicia.