Proximamente celebraremos o II Banquete de Persoas Maiores Xordas de Galicia, tras o gran éxito de participación desta actividade o ano pasado. Esta vez será en Ourense o xoves 1 de outubro. Cóntavolo neste vídeo Tane González, nosa Referente de Maiores.

Será unha oportunidade perfecta para que as persoas maiores xordas poidan desfrutar dun espazo de encontro e compartir xuntos/as un día diferente.

Esta actividade está dirixida a persoas de máis de 65 anos. No caso de que sobren prazas, ampliaremos o rango de idade. Para inscribirvos debedes contactar coa persoa referente de maiores da vosa asociación.

Importante: en caso dalgunha intolerancia ou necesidade alimentaria, é necesario comunicalo previamente.

Para rematar, queremos agradecer á APSOU a súa colaboración neste encontro.

Non podedes perdelo! Animámosvos a participar!

---

Programa provisional
11.00 h - Punto de encontro na estación de autobús.
11.15 h - Visita guiada pola zona vella de Ourense.
14.00 h - Comida.
17.30 h - Fin do encontro.