Anunciámosvos unha nova actividade dirixida a persoas maiores xordas que estamos a preparar desde a FAXPG. Trátase do I Banquete de Persoas Maiores Xordas de Galicia, un encontro que terá lugar en Santiago de Compostela o martes 21 de outubro.

Será unha ocasión para gozar da gastronomía e compartir xuntos/as un día diferente. 

O programa previsto é o seguinte: o martes 21 ás 11:00 h reunirémonos na nova Estación Intermodal de Santiago, na praza que hai diante da estación de tren. Desde aí iniciaremos unha visita guiada ao centro histórico de Santiago. Alfonso Senra, socio da APSSC, será o noso guía.

Ao finalizar, sobre as 13:30 h, dirixirémonos ao restaurante Café Bar Paris (Rúa dous Bautizados, 11) para gozar da comida. O menú terá un custo de 16 € e inclúe varias opcións de primeiro e segundo prato, podedes velo xunto a esta noticia.

Esta actividade está dirixida a persoas de máis de 65 anos. No caso de que sobren prazas, ampliaremos o rango de idade ata cubrir todas as prazas. Podedes inscribirvos contactando coa vosa asociación e realizando o pago. As prazas son limitadas! O prazo para inscribirse finaliza o xoves 16 de outubro. 

Importante: en caso dalgunha intolerancia ou necesidade alimentaria, é necesario comunicalo previamente.

Por último, queremos agradecer á APSSC a súa colaboración neste encontro.

Non podedes perdelo! Animámosvos a participar!