As Persoas Xordas PODEMOS e QUEREMOS

AS PERSOAS XORDAS PODEMOS E QUEREMOS
A xordeira non é unha limitación, é unha condición.
As persoas xordas ...

Podemos aprender sen límite e queremos recibir unha educación bilingüe en lingua de signos española e acceder a cualquera lingua oral.

Podemos traballar e queremos un traballo digno que nos realice.

Podemos participar na sociedade e queremos que se nos dé a oportunidade de facelo en igualdadade de  condicións.

Podemos comunicarnos e queremos unha contorna accesible mediante axudas técnicas e intérpretes de lingua de signos española.

Podemos acceder a a información e queremos unha televisión subtitulada e en lingua de signos española.

Podemos desenvolvernos como individuos diferenciados e queremos recursos adaptados a cada unha das  nosas circunstancias (idade, sexo ou discapacidades asociadas)

... só necesitamos os recursos axeitados.

O movemento asociativo de persoas xordas de Galicia representado pola Federación de Asociacións de Persoas Xordas de Galicia (FAXPG) defende os dereitos das persoas xordas en toda a súa diversidade e, para isto, ofrece servizos e actividades destinadas a alcanzar as súas metas.

PODES COÑECERNOS, SÓ TES QUE QUERER

documentos relacionados